Gratulerer med dagen til verdas fremste stilhoppar
Er han den fremste stilhopparen gjennom alle tider? Når vi 1. oktober gratulerer Toralf Engan med 85-årsdagen, kan det passe å stille spørsmålet. Svaret mitt er enkelt: Ja.
Det var mange som hoppa fint på Engan si tid. Men med fullklaff leverte han svev som vel var så nær det estetisk perfekte som det er mogleg å kome.
Toralf Engan var født på Hølonda, og representerte, som Oddvar Brå, idrettslaget Leik. På første halvdel av 60-talet var Engan på toppen av karrieren sin. Han vann VM-gull i Zakopane i 1962, OL-gull og -sølv i Innsbruck i 1964 og Hoppuka i 1962/63. Her vann Engan tre av fire renn. I tillegg kjem ei lang rekke med andre triumfar, mellom dei førsteplass i Holmenkollen i 1962 og i Svenska Skidspelen i 1961, 1962 og 1963.
Gratulerer med dagen, gamle helt!